1976-cı il, 28 iyul. Çinin Tyanşan şəhəri bir dəqiqənin içində xarabalığa çevrildi. Buna səbəb XX əsrin ən dağıdıcı təbii fəlakəti - Tyanşan zəlzələsi olmuşdu. Hesablamalara görə dağıntılar altında bir milyondan artıq insan qalmışdı. Ölənləri sayı 100 minlərlə ölçülürdü.

Həmin gün Yuan adlı bir qadın həyat yoldaşını itirdi - o evlərindən dağılmış kərpic və betonlarının altında qalıb can vermişdi. Əkiz körpələri: bir qız və bir oğlan isə hələ də dağıntı altında qalmışdılar. Anası onları xilas edə bilər, amma... Amma uşaqlardan birinin xilas olması üçün digəri ölməlidir. Ana ağır seçim qarşısındadır. Əgər o seçim edə bilməsə uşaqların hər ikisi həlak olacaq. Vaxt çox azdır... Sona dəqiqələr qalıb...

Filmin Azərbaycanda təqdimatı ilə bağlı hələ ki, yerli kinoteatrlarımızda rəsmi məlumat yoxdur. Rusiyada isə təqdimat bu il aprel ayının 14-ü baş tutacaq.