Almaniyalı mütəxəssisin səfəri Avro-2012 seçmə mərhələsinin 7 iyun 2011-ci il tarixdə keçiriləcək Azərbaycan-Almaniya oyununa hazırlıq məqsədi güdür. 
"Bakı" futbol klubunun yaydığı məlumata görə, rəsmi oyun əvvəli məşq prosesisin təşkili üçün paytaxtımıza buyuran milli komanda meneceri Almaniya milli komandasının "Bakı” futbol klubunun bazasında hazırlaşması üçün bütün zəruri şəraitin mövcudluğunu təsdiqləyib. 

Corc Belau "Bakı” klubunun bazası ilə ətraflı tanış olduqdan sonra klubun təlim məşq bazası haqda fikirlərini də bildirib. Alman futbol mütəxəssisi "Bakı”nın bazasını bəyəndiyini və klubda uşaq futboluna yetirilən çox böyük diqqət və qayğının şahidi olduğunu vurğulayıb. ""Bakı” klubuna uğurlar arzulayıram. İnanıram ki, belə infrastruktura malik olan klub tezliklə Avropada öz sözünü deyəcək. Azərbaycanda belə bir klub formalaşmasının şahidi olmağım məni cox sevindirdi. İyun ayında bir daha sizin qonağınız olacağıq. Bu ehtimal burada gördüyüm ən yüksək şəraitə əsaslanır”, - deyə Corc Belau bildirib.

Fikirləriniz...